Dabaaldegga 1da luulyo

[Ali Nuur]

 

Munaasabadda 1da luulyo waxay billaanaysaa saacaddu markay tahay 4ta galabnimo ilaa 8da fiidnimo, waxaan lagu qaban doonaa Foreningernes Hus, Norgårdskolen, Brabrand. Halkaan kala soo bax martiqaadka: qaranimo.pdf

Maalinta axadda ah oo bisha Luulyo tahay 1da, ayaa qowmiyadda Soomaaliyeed ee Dalka Deenmaark qaban doonaan xaflad ballaaran oo si fiican loo soo agaasimay.

Qabanqaabintaas oo lagu xusayo munaasabadda qiimaha iyo qaayaha leh ee 1da Luuliyo oo ah maalinta xoriyadda iyo madax-banaanida qaranka soomaaliyeed oo ka ay ka soo wareegtay sanadguuradii 52aad, marka laga soo bilaabo 1da Luulyo 1960kii.

1da Luulyo waa maalinta ugu muhiimsan taariikhda soomaaliyeed, maxaa yeellay maalintii talyaanigu xornimada siiyey Soomaaliya. Waxa kale oo ay caan ku tahay maalintaasu in ay aheyd maalintii  labadii mustacmaradood ee Britain iyo Italy ay sameysteen midow, halkaas oo la unkay jamhuuriyad la magac baxday Somali Republic. 26kii juun ayey ”Somaliland” ka qaadatay xornimadeeda boqortooyadii Britain.

Afar maalmood ka dibna waxay si shuruud la'aana xornimadoodii ugu tiirsadeen koofurta soomaaliyeed. Halgamayaashii xornimada naftooda iyo maalkoodaba usoo huray waxa ay himiladoodu aheyd in la helo 5 somaliyeed oo isweheshada, kuna dhisan cadaalad iyo horumar. Taasna meesha ay martay waa la wada yaqaanaa. Goob joog noqo maalintaas taariikhdeena laga hadlayo

Waxaan rajeynneynaa in dhammaanba dadka soomaaliyeed ee ku nool Århus iyo qeybaha kale ee waddankaaniba ka soo qeyb-qaataan munaasibadaan weyn. Waxaa halkaas la soo qorsheeyey in ilmaha madadaaliyo.

Shirka saddex qaybood baa culays la saarayaa:

(a) Taariikhda soomaaliyeed

(b) Suugaanta soomaaliyeed

(c) Dhaqanka iyo hidaha soomaaliyeed.

[abdisalam ali farah]

hambalyo ayaan leeyahay umadda soomaliyeed meelwalba ay joogto waana maalin aad qaali ugu ah umadda soomaliyeed,waxaana halkaan mahad badan uga jeedinayaa dadkii soo abaabulay iyo intii gacanta ka gaysatayba,waxaana alle ka baryayaa in sanadkan sanadkiisa kale aan xafladan qiimaha leh ku dhiganao wadankeenii oo nabad ah, bash-bash iyo barwaaqana nagu gaarsiiyo,,,aamiim inoo dhaaha, ,,Aamiin,,,,aamiin,,,,,,,,,,,,

[Amran Mohamed Othman]

Hambalyo ayaan leeyahay, dhamaan umadda soomaaliyeed meel walboo ay joogaan.Siduu walalkeen Ali noo sheegay waa maalin aad ugu weyn taariikhda Soomaalia.Waan ka xumahay,inaanan ka qeyb qaadan xafladaan quruxda badan, balse waxaan farxadda iyo dabaaldegga la qaatay waalaheyga soimaaliyeed ee ku wadanka Norway maadaama aan fasax u imid dalka Norway.Mar kale hambalyo ayaan leeyahay umadda Soomaaliyeed, allena waxaan ka rajeynayaa nabad waarta inuu ka dhaliyo wadankeenii hooyo